Во Центарот за култура „Иљо Антески-Смок“ подготвена е сцената за одржување на шестиот Интернационален фолклорен фестивал „Пелагија – 2022“ со фолклорни групи од странство и Македонија, дел од активностите со кои се одбележуваат сто години од постоењето на Здружението за култура и уметност „Иљо Антески-Смок“. Фестивалот утре сабота 21 мај започнува во 19.30 часот, а претходно од 17.30 часот е дефилето на фолклорните групи кои ќе се движат од влезот во Тетово кај Монопол па се до Центарот за култура долж булеварот „Маршал Тито“.