Стоматолошка служба одделение за детска и превентивна стоматологија при Здравствен дом Тетово ги известува родителите на деца-ученици од прво до трето одделение дека е потребно да се извршат прегледи на забите во текот на распустот. Предвидените прегледи не беа извршени поради состојбата со коронавирусот.
-Поради вонредната ситуација со пандемијата на Ковид-19 во одделенијата за превентивна стоматологија не се реализираа планираните превентивни активности согласно акцискиот план за учебната 2019/2020 година. Станува збор за училишните деца од прво, второ и трето одделение, на кои е потребно да се направат превентивни прегледи и залевање на трајните заби. Се повикуваат родителите на тие деца, од основните училишта во општините Тетово, Брвеница, Боговиње, Теарце, Јегуновце и Желино, индивидуално да ги донесат своите деца во просториите на детска и превентивна стоматологија при ЈЗУ Здравствен дом-Тетово во текот на летниот распуст, известуваат од Службата.
Службата за детска и превентивна стоматологија може да се посети секој работен ден (понеделник – петок ) од 9 до 13 часот, а со себе треба да понесат здравствена книшка од детето.
А.С
