Три училишта во рамки на Општина Јегуновце ќе добијат нови клупи, столчиња и ормари, кои се донација од Швајцарија. Инвентарот денес пристигна во Јегуновце.
-Оваа донација е намената за потребите на нашите училишта ООУ „Шемшово“ во Шемшово, ООУ „Александар Здравковски“ во Јегуновце и ООУ „Симче Настовски“ во Вратница. Голема благодарноста до фирмата Генерал Електрик ГМБХ од Швајцарија и невладината организација ВЕРЕИН од Шемшово кои помогнаа да се реализираа оваа донација, изјави Дарко Блажески, градоначалник на Јегуновце.
Инвентарот деновиве ќе биде доставен до училиштата. Општината им додели благодарници за донацијата на невладината организација од Шемшово и фирмата од Швајцарија.
А.С
