Академската година со раст на бројот на студенти покрај сите други опаѓачки тенденции е оценката на Универзитетот на Југоисточна Европа (УЈИЕ) и ректорот Абдулменаф Беџети за изминатата 2020 година и високото образование во нивната установа.
-Бележиме година со раст на упис на нова генерација студенти покрај сите опаѓачки тенденции. Не знам дали има друг универзитет може да каже дека има раст или иста бројка. Факт е дека растот е 2-3 отсто, но успеавме да запишеме 1015 студенти. При тоа одбивме 97 кандидати за докторски студии поради немање толкав капацитет, а со нив растот ќе беше поголем за 10 осто, истакна ректорот кој заедно со ректорската управа организираа брифинг за новинарите.
Околу справувањето со Ковид-19, Беџети потенцираше дека почетокот на годината беше на 21 септември две недели порано од законски предвидениот рок 1 октомври.
-Оваа е последна 14-та недела на завршување на предавањата на комбиниран начин. Првите 8 недели со 80 отсто физичко присуство затоа што имаме доволно капацитети во училници каде може со држење дистанца да бидат присустни студентите без да се загрозува здравјето на наставниците и студентите. Од 130 наставници само двајца биле инфицирани со Ковид-19 во тој период затоа што се приджувале стриктно до протоколи, рече Беџети.
Научната продуктивност поради пандемијата била намалена за 25 отсто.
-Учеството на конференции е пониско како активност затоа што дел од таквите конференции не беа реализинирани, или беа одложени или не беа во можност да се реализираат ефективно, без физичко присуство. Во делот на научни проекти имаме огромен напредок, финансирани од меѓународни извори се 15 проекти со големи износи, вели Беџети.
Од септември УЈИЕ има нов борд, а оваа управувачка структура ја раководи како претседател Клаус Тотреман. Изработена е нова стартегија за работа 2021 -2025 со одредени приоритети.
А.С
