На Правниот факултет на Универзитетот на Југоисточна Европа во Тетово денес беше отворена форензичка лабораторија каде практична работа ќе изведуваат студентите од насоката Криминалистика и безбедност. Ова е втора лабораторија на Правниот факултет, каде веќе има Правна клиника.
-Целта на оваа лабораторија е согласно обврската и според системот и законот за високо образование, ние да понудиме што е можно повеќе практична настава на нашите студенти. Ова е втора лабортаорија на овој факултет каде што ќе се упатуваат студентите на практична примена на тоа што го имаат учено во теоријата. Експертите кои ќе предаваат лабораторијата доаѓаат од Министерството за внатрешни работи кои ќе ги упатуваат студентите во практичка примена за она што го пишува во книгите, изјави ректорот Абдулменаф Беџети.
Муазам Халили е еден од претставниците на МВР кој ќе им предава на студентите во лаборатотија во рамки на предметот криминалистичка тактика и техника.
-Студенти ќе имаат можност своите теоретски знаења да ги применуваат практично. Сметаме дека тоа ќе биде интересно за студентите со оглед дека криминалистиката без практичен дел тешко се усвојува. Јас сметам дека освен студенти од криминалистика треба да бидат инволвирани и оние од правен факултет.Тоа е неопходно затоа што со закон за кривична посатпака јавен обвинител е тој што раководи со истражната постапка и логички е тој да ги има сите тие познавања од областа на форензиката, за да утре биде поспремен за оваа работа, изјави професорот Муазам Халили.
Опремувањето на лабораторијата е со средства на УЈИЕ во висина од околу десет илјади евра.
А.С
