На централната граѓанска трибина на СДСМ и коалицијата денес во Јегуновце беа претставни кандидатот за градоначалник Дарко Блажески и кандидатите за советници од СДСМ за советот на општина Јегуновце.
-Во изминативе 4 години покажавме како треба да се работи за својата општина, реализиравме голем број на проекти, реконструкција на локални регионални патни правци и улици, фекални канализациски мрежи, нова спортска сала, расчистени диви депонии во сите населени места, подобрен систем на јавно осветлување, јавна хигиена, инвестиции во образование и решавање на локални проблеми“ – потенцираше Дарко Блажески кандидат за градоначалник од СДСМ и коалицијата за општина Јегуновц.
Во Програмата за работа 2021 – 2025 година капитални инвестиции кои се предвидуват се: – Фекална канализациска мрежа во следните населени места: Беловиште, Ратае, Горно и Долно Орашје, Старо Село, Раотинце. – Изградба, реконструкција и обнова на локални, регионални патни правци, изградба и санација на тротоари и пешачки патеки во сите населени места. – Мултимедијален културен центар во населеното место Јегуновце. – Нов водоснабдувачки систем во населеното место Жилче. – Санација на речното корито на реката Вардар. За да го зајакнеме локалниот економски развој ќе ги субвенционираме приватните компании за секое ново вработено лице од општина Јегуновце во форма на директна финансиска поддршка, ослободување од плаќање на даноци, такси, комуналии. Ќе обезбедиме финансиска поддршка за младите од општина Јегуновце кои имаат идеја и сакаат да започнат бизнис – потенцираше Блажески.
На граѓанската трибина претседателот на СДСМ Зоран Заев даде поддршка на кандидатот за градоначалник Дарко Блажески и кандидатите за советници на општина Јегуновце. Тој посочи дека општина Јегуновце изминативе 4 години сработи големи, важни и капитални проекти за граѓаните, а со новиот втор победнички мандат продолжува модернизирањето на општината и нејзин напредок и развој.
