Македонско – хрватското друштво (МХД) во склоп на проектот „За чиста и здрава вода, стоп на загадувањето на водата“, поддржан преку Цивика Мобилитас, утре (21.03.2021 година), по повод Светскиот ден на водата, во Тетово ќе спроведе два настани.
Со почетокот во 11 часот, во месноста Бањиче ќе биде организирано чистење на речното корито, во соработка со еколошко – нуркачкиот клуб „Пена“ при МХД, како и заедно со претставници на граѓански здруженија и граѓани.
Со почеток во 13 часот, во просторот „Урбан“ ќе се одржи панел дискусија по повод Меѓународниот ден на водата, која ќе опфати теми за квалитетот на водата и нејзината заштита, како и за тековните и идни активности на еколошко – нуркачкиот клуб „Пена“ кој функционира во скоп на МХД.
Предвидените активности продолжуваат и во понеделник, 22.03.2021, во Скопје (Матка), со почеток во 11 часот, каде претставници на МХД, ЕНК „Пена“ и други нуркачки клубови ќе спроведат чистење на кањонот Матка.
