Министерството за здравство информираше дека меѓу петте смртни случаи поради Ковид-19, има и една жена на 51 година од Тетово. Таа починала во градската општа болница „8 септември“ во Скопје, а била хоспитализирана од 12 април.
Денеска Институтот за јавно здравје регистрира 36 оздравени пациенти од кои и едно лице од Тетово. Останати се од Скопје-19, Куманово-1, Штип-5, Прилеп-4, Струга-1, Велес-3, Гостивар -2.
Нов случај на заразени со Ковид-19 нема во тетовскиот регион или останува на 75 луѓе.
Во изминатите 24 часа направени се 362 тестирања, а потврдени се 22 нови случаи низ Македонија на Ковид-19 и тоа во: Скопје-11, Куманово-2, Струга-1, Велес-3, Кавадарци-2, Гостивар-2 и Неготино-1.
Со ова вкупната бројка на ковид дијагностицирани во нашата земја изнесува 1421, бројката на оздравени пациенти е 589, на починати е 71 , а во моментов бројот на активни случаи во земјата изнесува 761.
