Од вечерва Јавното комунално претријатие „Тетово“ воведува рестрикции во водоснабдувањето, за кои тврдат дека се потребни поради загадување на водата што доаѓа од новиот водоснабдителен систем од Лешичка река.
Според нивната информација до загадување на водата што доаѓа од изворот на на Лешница е поради обилните врнежи дожд и затоа тој водоснабдителен систем е исклучен од мрежата. Ќе има четири часа прекин во водоснабдувањето.
-Количината на вода што доаѓа од другите извори и бунарите е 260 л/с, количина која не е доволна за нормално снабдување на сите граѓани. Поради тоа, претпијатијето одлучи од 23:00 до 03:00 часот да има рестрикција на вода. Оваа информација ќе важи се додека анализата на водата од изворот на Лешница не ни’ покаже дека водата е чиста и ги исполнува условите да биде пуштена во употреба од граѓаните, се вели во известувањето на ЈКП Тетово.
Годинава рестрикции имаше и во јануари, но граѓани од многу делови на Тетово велат дека се соочуваат постојано со прекини во водоснабдувањето.
ас
