Во Општина Брвеница денес се одржа примопредавање на функцијата градоначалник помеѓу досегашниот Енвер Пајазити и новоизбраниот Јовица Илиевски. Новиот градоначалник Илиевски беше избран на локалните избори како кандидат на ВМРО ДПМНЕ, а претходно беше и член на општинскиот совет од истата партија.
-Денес се изврши примопредавање на функцијата Градоначалник на Општина Брвеница. Благодарам на сите жители на Општина Брвеница за учеството на изборите, за поддршката и довербата. Започнувам со работа веднаш, да реализирам се она што сум го ветил. Сите се добредојдени и Брвеница ќе биде подобро место за живеење, изјави Јовица Илиевски, градоначалник на Брвеница.
По локалните избори сега преостанува и да се конституира и Советот на Општина Брвеница, што брои вкупно 15 членови. Најголем број советници, пет освои ВМРО ДПМНЕ, по три имаат ДУИ и Алијанса за Албанците и Алтернатива додека по два имаат Движење Беса и СДСМ.
ас
