Министерот за образование и наука Јетон Шаќири при посетата денес на Универзитетот во Тетово истакна дека до крај на неделата на владина седница ќе се носи конечна одлука околу почетокот на второто полугодие во училиштата со оглед на епидемиолошката состојба. Според министерот наставата со физичко присуство е најдобро решение во поглед на образованието, но сега поради варијантата на Ковид-19 мора да се согледаат и негативните последици.
-Важно е дека сите деца едвај чекаат да почне новата учебна година. Тоа мене како министер ми е најважно децата да ја почнат новата учебна година. Ќе се има предвид и ставот на Комисијата и ставот на Кризниот штаб за почеток на новата учебна година. Сите знаеме дека ги имаме предвид и изјавите од УНИЦЕФ кои се за физичко присуство на настава, а сите сме свесни и дел од наставниот кадар за придобивките што ги имаме со физичко присуство на настава. Но, и според податоците на Комисијата во претходната учебна година или во првото полугодие имаме многу мал број на заразени деца. Ќе беше лесна нашата одлука ако ја имавме истата варијанта на вирусот како што беше во септември или октомври. Но, сега имаме нова варијанта на вирусот, но не значи дека почетокот на учебната година со физичко присуство ќе даде покачување на бројот, значи ако ги почитуваме мерките и го заштитиме здравјето може да имаме многу важен образовен процес, изјави министерот Шаќири.
Тој посочи дека состојбат се следи секојдневно со цел да се донесе оптимална одлука.
-Ние ќе сме во наредниот период до донесување и после донесување на одлука на секојдневна комуникација кава и да е одлуката ако биде со физичко присуство ќе бидеме со секојдневна комуникација со сите директори на основните и средните училишта за да го заштитиме здравјето на децата. Истовремено, знаете дека градинките функционираат и се во добра состојба во овој период, но исто така знаеме дека и други сектори функционираат и децата се присутни во тие активности. Јас кон крајот на неделата ќе имам конечна информација, но важно е каква ќе биде одлуката и со физичко присуство и со онлајн настава ќе има различни коментари околу тоа, но ќе се земат придобивки од двете варијанти што ќе ги има, истакна Шаќири.
Министерот оставри средба со ректорската управа околу потребите на Универзитетот.
