Кандидатот за градоначалник Вулнет Мурсели од Алијанса за Албанците и Алтернатива беше на фудбалскиот натпревар на градскиот стадион во Тетово од каде порача дека ќе работи на елиминирање на имотните и законски пречки со цел да се обнови и модернизира овој спортски објект. Тој го следеше првенствениот натпревар Шкендија-Борец од Првата фудбалска лига.
-Наша цел е да имаме стадион според сите меѓународни стандарди каде ќе можат граѓаните да присуствуваат на првенствени натпревари, репрезентации, државен куп, државни финалиња, натпревари од Лига на шампиони и Лига Европа. Исто така, за време на нашата Влада ќе се вклучиме во изградба на посебна област за навивачите и публиката-фан зони за да се следат натпревари, истакна Вулнет Мурсели од стадионот во Тетово.
Според програмата на кандидатот предвидено е ангажирање со цел зголемување на приходите на фудбалските клубови во Тетово.