Отворени денови со граѓаните започнаа да се реализираат од денеска во регионалните регистрациони канцеларии на Централниот регистар, а првата беше во Тетово. Од 10 до 13 часот граѓаните имаа можност да се сретнат со стручен тим од Централниот регистар за подетални информации или пак разговор за одреден проблем со кој се соочиле.
-Ова е реактивирање на мерката „Поблиску до граѓаните“ Централниот регистар како сервисно ориентирано компанија сака да му помогне на малиот и големиот бизнис, посебно на оние лица кои имаат проблем со неккави издавање на документи и итн. Инаку со развој на технологијата се повеќе се користат електронски услугите. Сепак има одреден број на граѓани кои што навистина имаат потреба физички да дојдат и да им се објасни за што станува збор и како да дојдат до потребните документи за водење на бизнис, изјави Марија Бошковска Јанкоски, директоркат на Централен регистар.
Постои потреба за поголема информираност колу документите кои се доставување во Регистарот при основање, промена или измена на правен субјект, велат од институцијата.
-Најчесто се соочуваат граѓаните со неинфомираност, каде треба да се обратат, во која институција, обично сметаат дека сите документи се за кај Централниот регистар но има документи кои се поврзани со Агенцијата за вработување со Управата за јавни приходи и други. Се обидуваме да се поедностави процедурата за работа преку интернет. Таму физичкото лице кое што поседува токен може и сам да регистрира правен субјект со помош на лицата со кои се во централниот регистра односно со едно јавување на бројот да може да следи и упатства и да не мора да доаѓа физички во просториите, објаснува директорката.
По првиот отворен ден во Тетово, следуваат средби со граѓаните во уште 9 градови. Последниот е во Охрид на 4 октомври.