Тетовски полицајци вчера во текот на полициски час фатија 28 годишник како на кружен тек изведува непрописни движења со возило употребувајќи рачна сопирачка и создавајќи врева, за што бил пријавен од граѓаните од околните згради. По евидентирањето на случајот тој е денес е повикан во полициска станица за да се утврди дали имал дозвола за движење во време на полицискиот час и околу почитувањето на сообраќајните правила и прописи.
-Секторот за внатрешни работи Тетово целосно го расчисти случајот со возачот на возилото „бмв“ со тетовски регистарски ознаки, кој вчеравечер (6 април ) околу 21 часот и 35 минути на кружниот тек на улиците „Илинденска“ и „Видоја Смилевски-Бато“ во Тетово, направил сообраќаен прекршок, кој непосредно бил снимен од граѓанин, а кој потоа граѓанинот видеото го испратил до тетовските медиуми. Станува збор за 28-годишниот Л.А. од Тетово, кој денеска (7 април) е повикан во Полициската станица Тетово и ќе му бидат изготвени соодветни поднесоци, информира Марјан Јосифоски портпарол на СВР Тетово.
Во време на полицискиот час други две лица од тетовска Долна Лешница се откриени и приведени во Палатица бидејќи не ја почитувале забраната за движење од 20 до 05 часот.
-Околу 21 часот и 15 минути, во тетовска Палатица, полициски службеници на СВР Тетово лишиле од слобода 25-годишен жител на ова и 23-годишен жител на тетовска Долна Лешница, кои не ја почитувале одлуката за забрана за целосно движење, односно полицискиот час. Двајцата се задржани во Полициската станица Тетово и по расчистување и документирање на случајот ќе им биде изготвен поднесок за „непостапување според здравствени прописи за време на епидемија“, согласно член 206 од Кривичниот законик, информира Јосифоски.
Во изминатите 24 часа полицијата за непридржување до мерките за спречување на ширење на коронаворусот за неносење заштитни маски им изреклел 58 платни налози на жители на тетовскиот регион.