Тетовската полиција информира дека ноќеска се одземени 14 возила по сознанија дека ќе има организирање на трки со возила на автопатот околу Тетово. Возилата се одземени во периодот од 00.30 до 01.30 часот од страна на полициските службеници од Полициска станица за безбедност на патниот сообраќај.
-По претходно добиени информации дека на автопатот Скопје-Тетово, односно од бензинска пумпа на автопатот до влез на Тетово кај клучка север, ќе бидат организирани диви трки со возила, по што веднаш било постапено и биле затекнати 14 патнички возила со тетовски и странски регистарски таблици, кои биле привремено задржани во олициска станица за безбедност на патниот сообраќај Тетово. Во текот на денешниот ден возилата биле упатени на вонреден технички преглед, при што кај шест од нив биле констатирани технички неисправности, од кои 2 биле за поголема бучавост од дозволеното и биле конфискувани во траење од 3 месеци, информираат од СВР Тетово
Сите неисправни возила веднаш биле исклучени од сообраќај, а против нивните возачи се поднесени соодветни поднесоци и тие ќе се соочат со казна од 400 евра во денарска противвредност.
Секторот за внатрешни работи Тетово апелира до граѓаните, односно по младата генерација, дека организирање на диви трки со возила е ризично и опасно за нив и другите учесници во сообраќајот и дека секое постапување спротивно од законот ќе биде соодветно санкционирано.
А.С