Михаил Ристовски од Тетово кој има една година и девет месеци не може да ја користи левата рака бидејќи му е скршена при породувањето, а сега за враќање на функцијата потребни се 15 илјади евра за лекување. Неговите родители не можат да ги обезбедат парите сами и затоа бараат помош од хуманите луѓе.
-На породувањето на Михаил пред една година и девет месеци му е скршена раката. Во болницата во Козле година и два месеци примаше терапија и вежби за да не атрофира мускулот, но нема никакво подобрување и враќање на функцијата. Во приватната болница „Виталис“ во Белград, најдовме чаре, каде гарантираат дека може да проработи раката. Станува збор за методот акупунктура. Меѓутоа со нашите средства не можеме да стигнеме, па затоа ја замолувам јавноста колку може да ни помогне со донации. Потребни се околу 15.000 евра, Фондот за здравствено осигурување не може да одобри лекување бидејќи белградската болница е приватна вели таткото Мирослав.
Поради состојбата со раката на Михаил, неговата мајка не може да оди на работа. Семејството има и две поголеми деца.
-Драстично ни се промени живот. Сопругата не може да оди на работа затоа што не може да оди детето во градинка поради попреченоста на левата рака и таа мора да го чува. Со една плата не сме во можност, дали да плаќаме кредити, дали да двоиме пари за терапиите негови, дали да ги издржуваме другите две деца.Имав фирма и морав да ја затворам поради давачките околу лекувањето и состојбата со короната, истакнува Мирослав.
Хуманите луѓе кои сакаат да донираат средства за лекување на Михаил може да уплатат пари на сметката на таткото Мирослав Ристовски 240197107964904 во Уни Банка.
А.С