Вчера (30 ноември) околу 20 часот и 10 минути на улица„Љуботенска“ во Тетово, инспектори од Одделот за криминалистичка полиција Тетово, го привеле Ј.Ј.(22) од Тетово, поради постоење на основано сомнение дека е сторител на кривично дело „неовластено производство и пуштање во промет на наркотични дроги, психотропни супстанци и прекурсори“, информира СВР Тетово.
При извршен преглед од полициските службеници на СВР Тетово, кај Ј.Ј. била пронајдена марихуана. Лицето е задржано во Полициска станица Тетово за документирање на случајот, по што против него ќе биде изготвен соодветен поднесок по член 215 од Кривичниот законик на Република Северна Македонија, информира СВР Тетово.
