Тетовската полиција во билтенот на случувања бележи два напади, од кои во едниот внук го нападнал дедото.
-Д.А.(60) од тетовското село Слатино во СВР Тетово пријавил дека претходниот ден околу 13 часот и 30 минути физички бил нападнат од неговиот 28-годишен внук А.А. од истото село, кој во нападот користел и остар предмет. Набрзо по пријавувањето А.А. лишен е од слобода и задржан во Полициската станица Тетово за целосно расчистување на случајот, информира денес СВР Тетово.
За вториот случај 54 годишниот К.Ј. од тетовското село Одри вчера (20 ноември) во СВР Тетово пријавил дека движејќи се по селскиот пат околу 14 часот и 30 минути физички бил нападнат од 52-годишниот Џ.З. од истото село, кој во нападот користел и тврд предмет.Џ.З. повикан е во Полициското одделение Теарце за расчистување на случајот.
Вчера полицајци околу 13 часот и 50 минути на улица „Илинденска“ во Тетово, со судска наредба, го привеле 29-годишниот тетовец Б.В., осуден на затворска казна за извршено кривично дело „разбојништво“. Б.В. бил спроведен во Казнено-поправната установа „Идризово“ во Скопје на издржување на затворската казна.
