СВР Тетово информира денес дека вчера околу 18 часот и 30 минути, полициски службеници од СВР Тетово го лишиле од слобода А.Ш.(54) од Тетово, поради тоа што при претрес во неговиот дом на ул.„Киро Ристоски Дрнц“ во Тетово, извршен со судска наредба, биле пронајдени и одземени повеќе различни пакувања со кафеава и со бела прашкаста материја, предмети со остатоци од кафеава прашкаста материја и неколку предмети со остатоци од бела прашкаста материја.
Судија во претходна постапка денес одредил мерка притвор во траење од 30 денови по што 54 годишникот е спроведен за издржување во КПУ Скопје.
