Тетовец на возраст од 77 години починал по пад во водоводна шахта, информира денес СВР Тетово. Настанот се случил вчера во дворот од неговата куќа.
Околу 11 часот и 30 минути, во СВР Тетово пријавено е дека Ј.Р.(77) од Тетово паднал во водоводна шахта со вода во дворот од неговата куќа на улица „Коле Неделковски“ во Тетово и дека починал.
-Јавен обвинител и екипа од СВР Тетово извршиле увид и при тоа не се констатирани траги на насилство, по што телото на Ј.Р. предадено му е на семејството, информира Марјан Јосифовски, портпарол на Секторот за внатрешни работи Тетово.
