Тетовските полицајци давајќи флаери на граѓаните на градскиот плоштад реализираа превентивно-информативна активност како содржински дел од кампањата на МВР и СВР Тетово за градење доверба и поширока афирмација и унапредување на соработката помеѓу полицијата и заедницата.
Носител на оваа активност е Отсекот за превенција при СВР Тетово.
-На поголем број граѓани им беа поделени и наменски изработени летоци, а се водеа и непосредни разговори со нив за тоа – како да се зацврсти и уште повеќе да се продлабочи соработката на полицијата со локалната заедница.Граѓаните во Тетово беа поблиску информирани и за главните цели на полициското работење, за механизмите за внатрешна и надворешна контрола на истото, како мошне значаен фактор за вкупниот професионален кредибилитет, рејтинг и реноме на полицијата, односно Министерството за внатрешни работи на Република Северна Македонија. Граѓаните прашуваа и добија конкретни одговори за повеќе сервисни услуги кои секојдневно им ги нуди Министерството, а чиј основен фокус и преокупација беа, се и во иднина ќе бидат граѓаните и нивните потреби, во функција на подобрување на безбедноста и квалитетот на животот во заедницата,информираше портпаролот Марјан Јосифоски.
На настанот присуствуваше и директорот на Бирото за јавна безбедност, Сашо Тасевски.
