Актуелниот пратеник на ВМРО ДПМНЕ од Тетово, Александар Велјановски е именуван за претседател на тетовскиот партиски општински комитет. Именувањето е со одлука на членовите на Извршниот комитет на ВМРО ДПМНЕ.
-Голема благодарност до претседателот Христијан Мицкоски и членовите на ИК на ВМРО-ДПМНЕ за нивната одлука да ме именуваат за нов претседател на ОК Тетово. Ветувам чесна, напорна и искрена работа и ги повикувам сите кои што сакаат да се спротивстават на пустошот кој го прави оваа власт, предводена од дуи и сдс, да ни се приклучат. Работите мора да се менуваат на подобро. Ние мора да ги убедиме младите дека можат да се вклучат во промените кои доаѓаат, да не ја губат надежта и повеќе да не ги напуштаат Тетово и Македонија. Затоа е потребно да се посветиме и да работиме уште понапорно. Ја користам оваа прилика да се заблагодарам на досегашниот претседател Ангел Карапетров и на сите кои напорно работеа во претходниот период кој беше многу тежок за партијата и државата. Исто така, сакам и да ве повикам сите, кои што и мислите добро на државата, да ни се приклучите и со свој личен пример да покажете дека со чесна, напорна и искрена работа можеме заедно да изградиме многу подобро и повеќе за сите, порача Александар Велјановски.
Велјановски е роден 1978 година, магистер по правни науки. За пратеник беше избран на изборите во 2020 година, а до тогаш беше советник во Совет на Општина Тетово.
