Носителот на листата со советници на ВМРО ДПМНЕ Ангел Карапетров објави дека надминати се правните процедури за капелата, која сега може да почне да работи.
-Почитувани тетовчани, сакам да ве известам дека по долги години сага околу решавање на проблемот со капелата во Тетово, после многу напорна работа, успеавме имотно правното прашање со капелата во Тетово да добие правна разрешница. Денес официјално добивме Имотен лист, конечно капелата е во сопственост на Општина Тетово. Исто така, се потпиша и договор за внатрешно уредување на капелата согласно сите пропишани стандарди и прописи. Очекуваме најдоцна до 1-ви септември да отпочне со работа капелата, порача Ангел Карапетров.