Тетовската библиотека „Кочо Рацин“ денес организираше манифестација на која беа доделени наградите за најдобри поетски творби на учесниците на „Литературниот конкурс“ за поетска творба на кој учествуваа ученици од основните училишта од тетовскиот регион. Воедно со овој настан беше одбележан и Светскиот ден на книгата и авторското право.
-Учениците, од кои повеќето се и редовни читатели на библиотеката, преку своите стихови, со убави зборови ги искажаа своите најискрени чувства за книгата, која е и тема на овој конкурс. Изразувам благодарност до Комисијата за избор на најдобри поетски творби. Посакувам да имаме повеќе вакви манифестации, бидејќи на овој начин преку напишаните стихови младите ја пренесуваат својата порака за љубовта кон книгата и пишаниот збор, со што се подигнува интелектуалното ниво во општеството, беше истакнато во поздравната реч која во беше прочитана во име на директорката Резарта Исмаили.
На литературниот конкурс за најдобра поетска творба со Тема: Книгата – извор на знаењето прва награда на македонски јазик доби Рахела Степаноска, ученичка во ОУ„Гоце Делчев“ – Тетово со Втори награди добија учениците Теа Ристоска од ОУ „А.С. Ќиќиш“ – Тетов и Амела Исени од ОУ „Ибрахим Темо“- Стримница. Трети награди добија Емануел Петровски, Катерина Тофилоска и Медина Абдурамани, информираше Мирко Видоески од Комисијата за наградување на творбите.
На албански јазик прва награда доби ученичката Влера Меркез, додека втора награда Лина Мемеди и Анеса Селими. Како третонаградени се Сара Рамадани, Илза Хајрули и Ерина Имери. За прв пат годинава конкураа и ученици од настава на турски јазик, при што прва награда и беше доделена на Есра Асани, втора награда на Черен Башер и трета на Амра Шаќири, информираше Мирко Видоески од Комисијата за наградување на творбите.
Пофалници и благодарници добија ученици од секое основно училиште како и менторите на пријавените. Дел од манифестацијата беше читање на пораката на генералниот директор на УНЕСКО, обраќање на претставниците на општината и изведба на музичка точка.
ас