Полициски службеници на СВР Тетово вчеравечер (25 јуни) околу 23 часот привеле 41-годишен тетовец кој претходно се однесувал агресивно кон нив на улица „Борис Кидрич“ во Тетово и ги навредувал додека преземале службени дејствија по сторен сообраќаен прекршок од 18-годишниот мотоциклист исто така, од Тетово. По целосно документирање на случајот на инволвираните ќе им бидат изготвени соодветни поднесоци.
Четириесетгодишна жителка на тетовско село вчера (25 јуни) во 14 часот во СВР Тетово пријавила дека дента околу 11 часот во нивниот семеен дом нејзиниот 44-годишен сопруг се однесувал агресивно и и се заканувал. Тој е повикан во полициска станица и по целосно расчистување и документирање на случајот ќе се соочи со поднесок.
Шеесет и двегодишниот тетовец Ф.И. вчера (25 јуни) во 11 часот и 15 минути во СВР Тетово пријавил дека околу 10 часот и 30 минути на улица „29 Ноември“ во Тетово физички бил нападнат од 59 годишен, исто така, од Тетово, а поради недоразбирања околу паркирање на нивните возила. Се расчистува и документира случајот.
Полициски службеници на СВР Тетово вчеравечер (25 јуни) околу 23 часот, на улица „Илинденска“ во Тетово, запреле мопед со тетовски регистарски ознаки што го управувал 26-годишен тетовец а на кој била поставена звучна сигнализација (хорна сирена).Звучната сигнализација му е одземена и се расчистува случајот.
