Црковното настојателство при храмот Свети Атанасиј во Брвеница информира за богослужбите кои ќе бидет отслужени по повод Христовото Воскресение-Велигден.
-Во исчекување на чудото Божјо, во исчекување на Воскресението, да се молиме искрено, да простуваме полесно, да веруваме посилно. Вера, Надеж, Љубов, Хармонија, Топлина и Светлина во секој дом! Повелете заедно да го прославиме Воскресението Христово, и најголемиот Христијански празник Велигден во црквата Свети Атанасиј Велики во Брвеница, порачаа од црковното настојателство.
13 април-четврток Велики четврток – Ќе се служи утрена со часови и Литургија на Свети Василиј Велики од 07 часот. Истиот ден од 17 часот ќе се читаат 12 страдални Евангелија на Господ Исус Христос.
14 април-петок Велики петок. Ќе се служат царски часови со вечерна богослужба од 07 часот кога ќе се изнесе и Плаштаницата. Истиот ден од 16 часот ќе се изврши опело на Господ Исус Христос со трикратен опход околу црквата.
15 април-сабота Велика сабота. Ќе се служи утрена со Литургија на Св. Василиј Велики од 07 часот. Воскресение Христово – ВЕЛИГДЕН. Во 23.30 часот ќе започне трикратен опход со пеење на Воскресение Твое Христе Спасе и точно на полноќ со биење на камбаните ќе се објави Христовото Воскресение по кое ќе се отслужи Литургија на Св. Јован Златоуст и причест.
Од црквата воедно потсетуваат дека одзади храмот веќе подолго време верниците имаат на располагање нов паркинг. До паркингот се пристапува од кај училиштето и градинката.
ас
