За среќа без изгубени човечки животи поминаа големиот број свадби летово во Тетово на кои имаше многу пукање од огнено оружје. Сепак претераното користење на оружје доведе до последици- повредени луѓе, паднати залутани куршуми на возила, во соби во дворови и слично.
Најтешко поминаа најглавните на свадбите, младоженците-дел од нив разочарани од тоа што им била уништена свадбата поради таквото несоодветно однесување. Дел од граѓаните имаат разбирање- велат пукањето се должни на традицијата од минатото, но се согласни дека тоа е вознемирувачко во секојдневието на останатите жители.
-Има свадби, овде кога бевме на раскрсницава, дури на раскрсница застааа па пукаа од кола за време на свадба, да
-Нормално имаше, се слушаа некои истрели, воглавном доаѓаа од руралните средните, не беа од градското подрачје. Мислам навикнати сме на тоа.
-Имало пукање, пред очи на полицијата, отиде полиција да види, и не знам што стана, мене не ми сметало, ама жените и децата се плашат, ние возрасните сме претрпле. Пукањето е најтешка работа, ќе залета метак на недужен човек.
-Не е мирна атмосфера, не е пријатно да седиш во ваква атмосфера, изјави анкетираните жители на Тетово.
Во полицијата велат дека уште пред летото се обиделе превентино да делуваат, предупредувајќи го населението од опасносите да се користи оружје и законските последици.
На 18 август во планинското село Седларево приведен е 60-годишник од ова село, поради сомнение дека претходно на свадбена свеченост организирана од негов соселанец, пукал со огнено оружје и го нарушил јавниот ред и мир.
-Беа организирани 9 регионални средби на ткн. советодавни групи со месни и урбани заедници како и серија состаноци со вкупно 50 угостители. Минатиот и овој месец на подрачјето на СВР Тетово пријавени се неколку случаи на пукање од огнено оружје и приредување на огномети чие расветлување односно расчистување е во тек, изјави Марјан Јосифоски, портпарол на СВР Тетово
Иако на хартија казните се високи, тоа како да не ги спречи луѓето да пукаат. Предвидени се казни од 200 до 500 евра, како и затвор од една до пет години ако има потешки последици.
