Вчера (24 мај) околу 15 часот, со судска наредба, полициски службеници на СВР Тетово го привеле 49-годишниот тетовец Б.И. за издржување затворска казна во Казнено-поправната установа Затвор „Тетово“ во Тетово. Нешто подоцна, лицето е спроведено во оваа установа.
Вчера (24 мај) околу 20 часот и 30 минути, на улица „Браќа Миладинови“ во Тетово, полициски службеници на СВР Тетово го лишиле од слобода 27-годишниот тетовец Д.Ј, затоа што кај него била пронајдена и одземена марихуана. Тој е задржан во Полициската станица Тетово и против него ќе следува соодветен поднесок.
Полициски службеници на СВР Тетово вчера (24 мај) околу 10 часот и 20 минути го лишиле од слобода 38-годишниот Ј.И. од тетовско Слатино. При претрес извршен со судска наредба во неговиот дом билe пронајдени марихуана, дигитална вага и метална дробилка. По целосно документирање на случајот на Ј.И. ќе му биде изготвен поднесок.
Полициски службеници на СВР Тетово вчера (24 мај) во 10 часот и 10 минути го лишиле од слобода 33-годишниот тетовец Џ.И. поради сомнение за негова инволвираност во насилство пријавено на 9-ти мај годинава од 24-годишниот тетовец А.Ј., кое се случило во спортска обложувалница во Тетово на 22.04.2023. Тој е задржан во Полициската станица Тетово за расчистување и документирање на случајот по што ќе следува соодветен поднесок.
