Четири часа по почетокот на седницата на Централното претседателство на ДУИ дел од членовите кои се познати како ткн. Огнена група ја напуштија средбата и најавија дека ќе функционираат како фракција во партијата. Ова пред новинарите го најави актуелниот организациски секретар во ДУИ, Блерим Беџети.
-Денеска преку вас дозволете да ја информираме јавноста дека разликите се големи и од организационен аспект внатре во ДУИ но и дебатата за програмските определба, врз основа на што ја добивме и довербата пд граѓаните, за жал немаме можност од реална дебата и се користат двојно или тројни аршини во однос на одредени исти слични прашања и затоа од денеска ние ќе имаме наши ставови бидејќи ќе делуваме како фракција во рамки на ДУИ, изјави Блерим Беџети.
Тие сметаат дека актуелните министри во Владата ја узурпирале партијата со своите одлуки.
-Бидејќи имаме разлики, имаме одредени различни мислења, можеби дај Боже да имаме слични мислења за одредени ставови, значи ќе имаме наше политичко делување оти сметаме дека министрите ја узурпирале партијата со своите одлуки. Тоа што е надлежност на партијата преминува во надлежност на членовите Владата и тука да се разбереме не се само кадровските прашања, тоа се релевантни значајни, но збориме за прогамските определби на ДУИ, рече Беџети.
На новинарските прашања дали ќе бидат дел од органите на партијата, рече дека ги избрал друг орган на партијата и дека не се разрешени.
ас
