Водата за пиење во Тетово е безбедна за пиење, информираа од Центарот за јавно здравје Тетово по завршување на комплетните анализи и испитувања, откако во вторникот жителите на Тетово се вознемирија бидејќи комуналното претријатие на нивната Фејсбук страница првично објави дека водата е загадена и не е за пиење. Потоа тие ја променија информацијата и објаснија дека прекинат е дотокот само од новиот водовод поради заматеност, додека водата од стариот водовод може да се користи.
-На основа на резултатите од извршените испитувања и стручната анализа, испитаниот примерок вода за пиење одговара за употреба согласно прописите за безбедност на водата за пиење. Сите показатели се во рамки на нормалните вредности кога станува збор за основен преглед на вода, со испитување на физички показатели (боја и матност,) физичко-хемиски показители и хемиски показатели, како и основен микробиолошки преглед, информираше д-р Ратко Давидоски, раководител на одделение за хигиена и здравствена екологија при ЦЈЗ Тетово.
Тетово во моментот се снабдување со 250 литри вода во секунда кои се добиваат од стариот водоснабдитлен систем.За да има нормално водоснабдување во Тетово потребни ми се над 300 литри вода во секунда.
ас
