По повод Светскиот ден на храната Факултетот за прехранбена технологија и исхрана при Универзитетот во Тетово одржа тркалезна маса. На овој настан кој се одржува традиционално, годинава наместо за постојаната тема безбедноста на храната се зборуваше за недостигот на храна. Ректорот на установата посочи дека Универзитетот од научна основа може да понуди експертиза за надминување
-Идејата е учесниците на оваа средба да станат дел од платформа за комуникација помеѓу едукатори, истражувачи, академици, практичари и клучни креатори на политики за храна. Фактот што за овој проблем се зборува во просториите на Универзитетот во Тетово, докажува дека ние како институција имаме кадровски капацитети да се вклучиме во овој нов предизвик и сите заедно да ги откриеме идеите, размислувањата и да понудиме и наша научна експертиза како да се надмине недостигот на храна, порача ректорот Вулнет Амети.
На средбата стана збор за состојба со храната во земјата, перспективите и поддршката на производителите.
-Во овој момент, како никогаш досега, се цени улогата на земјоделците и производителите на храна кои мора да бидат поддржани од надлежните институции. Колку повеќе ги поддржуваме денес, толку помалку проблеми ќе имаме утре. Важни меѓународни организации, разни здруженија со влијание врз општеството и надлежни институции повикуваат на свесност, солидарност, но и на испитување на можностите за зголемување на површините за зголемување на земјоделското производство, порача ректорот Амети.
Производителите на храна зборуваа за актуелната состојба на бизнисот во прехранбената индустрија и влијанието на светската криза врз цените на производите.
