Државната изборна комисија по вчера одржаните избори за членови на Советот на Општина Тетово ги соопшти првичните резултати-Најмногу 12 советници ќе има Движењето Беса на актуелниот градоначалник Биљал Касами. ДУИ има 11, ВМРО-ДПМНЕ ќе има 4 советници, а СДСМ – 2. Во составот на Советот ќе бидат и Алтернатива и ДПА со по еден советник.
Најмногу гласови има освоено Движење Беса 9.620 гласа, па ДУИ со освоени 8.702 гласа, ВМРО-ДПМНЕ со освоени 3.332 гласа, СДСМ со освоени 1.953 гласа, Алтернатива 1.118 гласа и ДПА 1058 гласа.
Другите партии и граѓански иницијативи кои учествуваа на изборите нема да имаат советници во Општината. На гласањето за Советот на Тетово излезноста била 35,31 отсто и имало 651 неважечко ливче.
