Соопштение на СВР Тетово 29 август 2024
На 28.08.2024 во 16.45 часот полициски службеници од СВР Тетово во Клиничка болница Тетово ги лишиле од слобода С.И. (23) од с.Вејце, А.И. (21) од с.Вејце и Е.Х. (32) од с. Селце. Според пријавеното, С.И. додека работел со неговите братучеди на патот од с. Селце кон с. Вејце, пристигнало патничко моторно возило „ауди“ управувано од А.И. и Е.Х., по што започнале расправија и настанала физичка пресметка со С.И.. По целосно расчистување на случајот, ќе следи соодветен поднесок.
…
На 28.08.2024 во 13.45 часот во СВР Тетово е пријавено дека во с. Горно Палчиште бил нарушен јавниот ред и мир со физички напад извршен од Ш.Ш. (60) врз Р.Ќ. (55), двајцата од с. Горно Палчиште. Се преземаат мерки за целосно расчистување на настанот, по што ќе биде поднесена соодветна пријава.
…
На 28.08.2024 во 17.30 часот, полициски службеници од Отсекот за недозволена трговија со дрога и оружје при СВР Тетово ги лишиле од слобода Н.С. (23) од с.Требош, Е.К. (21) од с.Палатица и две малолетни лица. Имено, по претходно добиени оперативни информации и преземени соодветни мерки и активности, лицата се лишени од слобода во с. Палатица, на место викано „Рон Скура“ во импровизирана колиба, каде препакувале марихуана за натамошна продажба. При тоа се пронајдени марихуана, пиштол и куршуми. При приведувањето, Е.К. нападна полициски службеник. Лицата се приведени во полициска станица и по целосно документирање на случајот против нив ќе бидат поднесено соодветни пријави до надлежното обвинителство.
…
На 28.08.2024 во 22:30 часот полициски службеници од Отсекот за недозволена трговија со дрога и оружје при СВР Тетово на локалниот пат од с. Челопек кон с. Стримница ги лишиле од слобода Б.И. (28) и Р.И. (23), двајцата од с. Милетино, кои биле во патничко возило „ауди“ со тетовски регистерски таблички. При извршен преглед, кај нив е пронајдена марихуана. По целосно расчистување на случајот ќе следи соодветен поднесок.
…
Денеска (29.08.2024) во 03.15 часот во СВР Тетово било пријавено дека на локалниот пат Тетово-с.Требош патничко возило „опел“ со тетовски регистарски ознаки, управувано од М.Љ.(57) од Тетово, излетало надвор од коловозот. Во несреќата со тешки телесни повреди се здобил сопатникот Ш.С.(46) од с.Мала Речица-тетовско, а со телесни повреди се здобил возачот, констатирани во Клиничката болница Тетово. Извршен бил увид од увидна екипа од СВР Тетово.
