При судир на автомобил и мотоцикл денеска претпладне во Тетово повреден е 66 годишник, возач на мотоциклот. Двајцата возачи се од исто населено место – Доброште, а се судриле околу 10 часот на улицата „Страшо Пинџур“ во Тетово.
-Во СВР Тетово пријавено е дека се случила сообраќајна несреќа во која учествувале патничко моторно воизло „опел тигра“ со тетовските регистерски ознаки управувано од 36 годишник од Доброште и мотоцикл „хонда“ исто така со тетовски ознаки што го управувал 66 годишен од истото место Доброште. Во несреќата мотоциклистот се здобил со телесни повреди констатирани во тетовската клиничка болница, каде бил пренесен за укажување на лекарска помош, информираше Марјан Јосифоски, портпарол на СВР Тетово.
На местото на несреќата увид извршила екипа од Секторот за внатрешн работи Тетово.
