Движењето Анти Коцкање во центарот на Тетово постави симболичен триаголник со порака дека општеството е во деградација бидејќи е навлезен во круг од кој нема излез. Според нивното тврдење кругот го сочинуваат казината, фирми за брзи кредити и аптеките. Посочија дека овој триаголник ја симболизира алармантната состојба во која се наоѓа општество поради тоа што се прави деградација и кршење на човечкото достоинство.
-Се бориме за нов модел на опстанок. Ова не е едноставен триаголник, и можеме да го наречеме „бермудски“ триаголник, кој уништува сè што му се приближува, триаголник кој функционира совршено,триаголник кој пркосно ја надминува секоја човечка логика, само за да победи организаторот на тие игри било да е индивидуален или групен интерес. Во близина на секое казино има банка или „продавница за пари“, познати како куќи за брзи кредити, после загубата во казино на тие пари близу е аптека за да се снабдувате со различни седативи за да се смирите себеси или вашето семејство а во многуте случаи тие имаат со фатален завршеток со болни судбини. „Кога образованите молчат поради образование, неуките мислат дека им ја затвориле устата“, посочи Џемал Абдиу од Движењето Антикоцкање.
Тој во обраќањето преку медиумите потоа истакна дека им порачуваат на здруженијата кои се вклучени во организирање на игри на стеќа дека животот не е коцка и им даваат до знаење дека парите не се оска на светот.
-Свесни сме дека гледате само од призма на големи заработки и за жал ги злоупотребувате вашите вработени манипулирајќи со нивниот број, само ги штитите милионските суми ваши и на вашите сестрински компании. Ги замолуваме амбасадорите на европските држави да не ни го убиваат разумот за живеење затоа што и ние заслужуваме живот и ги прашуваме Зошто ние да бидеме жртва за нивниот профит? Време е вие одлучувачи да преземете индивидуална одговорност за создадената состојба, да направите разлика помеѓу класичниот грабеж кој се врши над граѓанинот и таканаречената коцкарска индустрија, да ги обврзете да се спостираат од близината на сите образовни институции, градинки и верски објекти, истакна Абдиу.
Од Движењето Антикоцкање порачаа што поскоро да биде донесен законот за отстранување на објектите на игри на среќа на 500 метри од училиштата, политичките партии да гласаат за, а своите политички проблеми да ги решат на друг начин.
