Оштетен е единствениот објект од Тетовското Кале изграден во Османлискиот откако деновиве откако остана без поголем дел од ќерамидите на покривот.
Засега е непознато кога точно и како се случило оштетувањето, кое беше забележано од луѓе рекреативци кои редовно пешачат до врвот на ридот и тврдината.
-Наликува дека од силен ветер паднале ќерамидите, но може е да направено намерно, има несосвени деца кои прават штети. Најверојатно се случило вчера, бидејќи редовно доаѓам, а вчерашниот ден не пешачев, вели жител на Тетово кој за случајот ја информираше нашата редакција.
Тетовското Кале – тврдина изградена во Османлискиот период на ридот Балтепе е под државна заштита како значен споменик на историското наследство на Управа за заштита на културното наследство. Токму оштетениот објект тогашна трпезарија за војска е единствената зграда која беше реставрирана и конзервирана од 2008 до 2012 и на тој начин зачуван е автентичниот надворешен изглед на објектот. Во тој период од проектот за заштита на објектот имаше и археолошки истражувања.
Историските податоците на институциите се дека на крајот од 18 век Тетовското кале како тврдина на врвот од ридот Балтепе почнал да го гради Реџеп-паша. Се смета дека имало 108 илјади квадратни метри и богата внатрешност. Во калето имало две монументални порти, две помали порти, девет кули, објекти и кујна за војската, набљудувачници, како и два сараи, каде престојувал пашата.
До врвот на ридот и Калето постои асфалтиран пат, а местото се посетува само од тетовци кои ја користат сообраќајната делница за пешачење до врвот на Балтепе.
ас
