Во тетовска Брвеница вчера заврши првиот меморијален турнир во мал фудбал посветен на полицискиот специјалец Жарко Кузмановски.
Во финалето победи екипата ОЗОЛО (Оддел за заштита на определени личности и објекти) совладувајќи го тимот Невидено со 4:3. Во дуелот за трето место Колонијал Лука Сиричино ја совладаа екипата Роло Мики со 2:1.
Најдобар стрелец со шест постигнати голови беше Славчо Антоски од екипата Колонијал Лука Сиричино.
– Целиот турнир помина во најдобар ред. Доказ за успешноста и големиот интерес беше публиката и полната сала вчера за време на натпреварите за трето место и финалето. На доделувањето на наградите беше присутен и градоначалникот на Брвеница, Јовица Илиевски, информираа од организацискиот одбор на првиот Меморијален турнир посветен на Жарко Кузмановски.
Турнирот почна на 10 октомври со 24 екипи. Жарко Кузмановски беше припадник на специјалната единица „Тигар“ кој загина во антитерористичка акција во Куманово на 9 мај 2015 година. Загина на 34 години, а остави зад себе двајца малолетни синови, сопруга и родители. Од 2022 година во дворот на црквата во Брвеница е поставено спомен облежје за Жарко Кузмановски.
ас
