Под мотото ,,Чиста околина – зелена иднина”, Унијата на млади сили на ВМРО-ДПМНЕ денеска одржа еколошка акција за пошумување на локации низ цела Македонија.
Младите членови на ВМРО ДПМНЕ од Тетово заедно со претседателот тетовскиот општински комитет и актуелен пратеник Александар Велјановски, претседателката на Унија на жени Анита Бошкоска Јованоска и актуелниот советник во Советот на Општина Тетово од редовите на УМС, Станислав Бојчески ја одржаа акцијата „Чиста околина, зелена иднина” посадувајќи садници.
-Во време кога програмите за збогатување на околината со нови садници се вистинска реткост, кога грижата за екологијата е само декларативна и Македонија се повеќе се гуши, ние младите ја преземаме одговорноста да бидеме носители на идејата за подобрување на состојбите со животната средина, порачаа од ВМРО ДПМНЕ
