Носителот и кандидатите за советници на СДСМ и коалицијата „Најдоброто за Тетово“ за изборите за Совет на 20 август Глигорије Стојановски со порака до гласачите дека нивните заложби се Тетово да биде европски град.
Нашата општина е пример за за соживот, за негување на различностите, на вредностите, на традициите… Тетово е општина, каде живеат и Македонци и Албанци и Турци и Срби и Роми и Бошњаци и многу други. Тетово е општина, која им припаѓа на сите граѓани подеднакво. Сите го сакаме Тетово. Сите се стремиме Тетово да биде модерен и европски град. Тоа е наша, заедничка одговорност.
За квалитетен живот на сите граѓани, ќе ја дадеме нашата поддршка за иницијативата ,,Тетово сака парк”, а позади Спортскиот центар, ќе се изгради нов Спортски комплекс, кој ќе биде со мини терен за мал фудбал, кошарка и терен за тенис, урбана опрема за забава на најмладите и детска патека за ролери и велосипеди, бесплатно достапен за сите и парк за домашни миленици. Да гласате за модерно Тетово, да гласате за европско Тетово. СДСМ ја има победничката листа, порача Глигорије Стојановски.
