На поширокото тетовско-гостиварско подрачје вчера (16 март) од 13 до 17 часот беше спроведена уште една од серијата акциски контроли на возачите кои се однесуваат на престигнување. При контролата биле санкционирани вкупно 26 возачи (ТЕ-9 и ГВ-17) кои непрописно престигнувале на забранети места. Н
-Секторот за внатрешни работи Тетово повторно со апел до возачите да бидат посебно внимателни кога престигнуваат, дотолку повеќе што во Полошкиот регион веќе се чувствува зголемена раздвиженост по патиштата, бидејќи во тек се првите подготовки за новата пролетна сеидба на полошките ниви. Како резултат на тоа се повеќе на патиштата, регионални и локални пред се, може да се забележи земјоделска и друга механизација, најмногу трактори и слично, информира Марјан Јосифоски, портпарол на СВР Тетово.
На сите возачи-прекршители им се изготвени законски предвидените поднесоци и ќе се соочат со парични глоби, а некои од нив и со времено одземање на возачките дозволи од три месеци до една година. Санкционирани, исто така, биле и 11 (ТЕ) други видови сообраќајни прекршоци.