На Универзитетот во Тетово денеска беше пуштена во употреба Истражувачката лабораторија за психологија која ќе работи во рамките на Филозофскиот факултет.
Свеченото пуштање во употреба на оваа лабораторија го извршија ректорот на Универзитетот во Тетово, проф. д-р Вулнет Амети, претседателот на Сенатот, проф. Куштрим Ахмети, декан на Филозофскиот факултет, проф.д-р. Ибиш Кадриу и раководителот на студиската програма за психологија, проф.д-р. Љуљзим Муртезани.
-Оваа лабораторија е единствена во регионот бидејќи нема во другите соседни земји и ќе им овозможи на сите вработени на Универзитетот во Тетово да ги користат мерните инструменти, да користат стратегии, дизајни и тимска работа, кои се составен дел на студиската програма по психологија. Можам да констатирам дека со оваа лабораторија се отвора ново поглавје на активност, на нова студиска практика во психологијата. Ќе продолжиме со ова усовршување на научната дејност, се разбира на практично ниво. Не случајно се вели дека лабораторијата е микросредина која ја создава вистината, изјави раководителот на студиската програма за психологија, проф.д-р. Љуљзим Муртезани.
Оваа лабораторија е донација од Турската агенција за соработка и координација-ТИКА како и од Фондацијата за наука и култура Дитурија.
ас
