По денешното излегување од печат на новелата „Разговори со Бен“ од тетовскиот писател Зоран Стојановски, книгата ќе биде во предпродажба следните два месеца. Секој што ќе му испрати порака во инбокс на авторот Зоран Стојановски на неговиот ФБ профил, истата ќе му биде резервирана и доставена на домашна адреса, или врачена лично, во период од една до две недели.
Со оглед на тоа што тиражот е лимитиран, а имајќи предвид дека претходната книга на авторот Зоран Стојановски, „Тетовски раскази“, се распродаде уште во предпродажба, резервацијата на новелата „Разговори со Бен“ е препорачлива опција, за секој што сака да ја има книгата.
Ова е негова втора книга во печатено издание, додека во електронска форма досега има објавено десет дела. Првата книга „Тетовски раскази“ беше издадена во јуни 2021 година.
Стојановски е роден 1963 година, по професија дипломиран психолог, форензичар, а кариерата ја поминува на сите можни позиции во секторот за ресоцијализација во Воспитно Поправниот Дом Тетово. Исто така е тренер во карате клуб „Басаи“ од Тетово.
ас
