Во Уметничката Галерија Тетово вечерва од 19 часот ќе биде отворена изложбата на мозаици „Жена во парчиња камен“ на проф.д-р Изет Зеќири од Тетово, инаку ректор на Универзитетот Мајка Тереза-Скопје.
Изложбата со мозаици насловена „Жена во парчиња камен“ ја прикажува фигурата на жената како столб на општеството. Ова е втора негова изложба на мозаици.
-Втората изложба насловена „Жена во парчиња камен“ претставува продолжение на првиот циклус на делата насловени „Мозаик со парчиња живот“ кои претставуваат темелен преглед на традиционалниот рурален живот и неговата еволуција во современиот свет, и сега (во овој циклус ) продолжува со длабоките инспиративни импулси од албанската историја и народна традиција, со фокус на женската фигура претставена преку различни фигури, вели авторот.
