Тетовската полиција информира дека во рамките на континуираните активности на за поголем ред и безбедност на патиштата денеска од 10 до 15 часот при спроведена акциска контрола за брзина откриени и законски санкционирани се 96 пречекорувања на максимално дозволената брзина надвор од населено место. Од нив 54 на тетовско и 42 на гостиварско подрачје.
Пет од пречекорувањата на брзината биле за повеќе од 70 километри на час (ТЕ-3 и ГВ-2), 25 до 70 километри на час (ТЕ-10 и ГВ-15) и така натаму.
-Покрај ова, санкционирани се и 65 пречекорувања на брзината во населено место од кои 43 на тетовско и 22 на гостиварско подрачје, како и два други видови сообраќајни прекршоци.СВР Тетово повторно со апел до возачите да ја прилагодат брзината според условите на патот и целосно да ги почитуваат сите важечки знаци, правила и прописи, со што непосредно ќе придонесат за посигурни патишта во регионот и пошироко, информира портпаролот Марјан Јосифоски.
На сите возачи-прекршители изготвени им се предвидените поднесоци и ќе се соочат со адекватни парични глоби и со заштитни мерки, зависно од големината на пречекорувањето, односно со времено одземање на возачките дозволи од три месеци до една година.
