Вчера (4 мај) од 10 до 15 часот на подрачјето на СВР Тетово спроведена е акциска контрола на возачите, дали и колку тие ги почитуваат нивните обврски кон пешаците. При контролата биле откриени и санкционирани вкупно 8 возачи (ТЕ-5 и ГВ-3), кои не им дале предност, односно не ги пропуштиле пешаците, во најголем број на обележани пешачки премини.
На сите им се изготвени поднесоци и ќе се соочат со законски предвидените парични глоби и со други мерки, а санкционирани, исто така, биле и 3 (ТЕ) други видови сообраќајни прекршоци. СВР Тетово повторно со апел до возачите секогаш да им даваат предност на пешаците, а пешаците, пак, да не ги минуваат улиците каде ќе стигнат и целосно да ја почитуваат постојната сигнализација.
