Полициски службеници на СВР Тетово вчера (14 септември) од 10 до 15 часот спровеле акциска контрола на однесувањето на пешаците како учесници во сообраќајот. При контролата биле откриени и законски санкционирани вкупно 38 прeкршоци (ТЕ-14 и ГВ-24).
Триесет и шест од нив (ТЕ-12 и ГВ-24) се однесувале на преминување на улицата надвор од обележан пешачки премин, а 2 (ТЕ) на други видови констатирани неправилности.
На сите прекршители изготвени им се соодветни поднесоци, со напомена дека паричните глоби за овој вид прекршоци се движат од 20 до 50 евра во денарска противвредност.
Инаку, во изминатите осум месеци од оваа година на поширокото тетовско подрачје вкупно биле изречени 329 мерки за прекршоци направени од пешаците.