Романот „Срна“ најновото дело на тетовската писателка Славица Дабевска Ќировска ќе има јавна промоција утре четврток 15 декември во музичкото училиште „Тодор Скалоски-Тетоец“ во Тетово. Промоцијата е закажа со почеток во 19 часот и 30 минути.
-Промотори на романот се претседателот на Друштвото на писатели на Македонија, Христо Петрески и писателот Гоце Ристовски. Тоа ќе биде ден кога сограѓаните ќе имаат можност да ги оживеат сеќавањата од животот, обичаите и гимназиското школување во раните 70 години низ ликот на девојката Срна, вели авторката.
Романот од печат излезе на 10 ноември 2022. Ова е најновото шесто дело на тетовската писателка Славица Дабеска-Ќироска. Романот „Срна“ претставува продолжение на нејзниот претходен роман „Зелениот капут“. Авторката досега ги има објавено стихозбирките на современа поезија: „Булки покрај пругата“,„Венчаница“,„Душа која грее“,„Само ѕвездите знаат“.
ас
