На 2 јуни 2023 година во Центарот за култура во Тетово ќе има отворена гала премиера на Талија“ документарниот филм посветен на тетовското драмско студио. Почетокот на премиерата е закажана за во 20 часот, а влезот е бесплатен.
-„Талија“ е документарен филм кој говори за легендарното тетвоско драмско студио формирано 1969 година, како и еден времеплов на 125 години театарски живот во Тетово. Во филмот се опфатени 50-тина учесници, историчари, актери, режисери. Преку овој документарен филм се евидентирани сите достигнувања и падови, емотивна приказна за „даските што живот значат“, изјави режисерот Саше Серафимовски.
Асистент режисер е Игор Бачовски, а извршен продуцент Миќо Стојчевски. Филмот е почнат со снимање во 2015 година, под покровителство на Музеј на тетовски крај. Пред една година во јуни 2022 филмот имаше презентирање пред потесна публика.
