Тетовската полиција приведе жител на Косово кој сакал да ја помине границата но при контрола е утврдено дека има фалсификувана сообраќајна дозвола и регистерски таблици за возилото.
Приведувањето се случило околу 22.30 часот на Граничен премин Јажинце, по по што половина час после полноќ бил однесен во Полициската станица Тетово.
-Триесет и три годишниот Џ.В. од Република Косово бил лишен од слобода на Граничниот премин Јажинце при обид да ја напушти нашата земја со патничко возило „бмв“ со француски регистарски ознаки. При извршена контрола било констатирано дека на увид приложил фалсификувана сообраќајна дозвола за возилото, а исто така таблиците кои биле на возилото биле фалсификувани. По целосно документирање на случајот против него ќе биде поднесена соодветна пријава, соопшти Марјан Јосифоски портпарол на СВР Тетово.
СВР Тетово бележи приведувања во Камењане на 48 годишник за издржување на затворска казна, како и на 35 годишник од тетовско село, кој претходната вечер околу 22 часот и 30 минути во семејниот дом, најпрво се расправал со неговата 28-годишна сопруга, а потоа и се заканил со остар предмет.