Здружението за култура, уметност и негување на културни вредности СКАРДУС-АРМАКЕДОН од Тетово ќе го објави својот документарен филм „Тајните на Полошкиот Ерусалим“ на интернет. Секој ден, започнувајќи од утре, вторник 11.10.2022 па до петок 14.10.2022 во 20 часот ќе емитуваат по еден дел на нивниот Ју-тјуб (You tube) канал, а воедно и на Тетово инфо.
Документарниот филм лани во декември беше ексклузивно претставен пред јавноста во духовно-културниот центар „Кирил Пејчиновиќ“ во Лешок. Филмот е снимен по повод два значајни јубилеи – 700 години од обновувањето на Стар Манастир и 250 години од раѓањето на Кирил Пејчиновиќ.
Насловот „Тајните на Полошкиот Ерусалим“ го означува сето она кое го носи самото ова место, сите раскажани и нераскажани вистини за Стар Манастир, за монументалната вредност на црквата Пресвета Богородица, за епопејата на манастирот Свети Атанасиј, Кирил Пејчиновиќ и неговиот живот, како и црквата Свети Никола, посочија авторите сценаристот Милена Илиевска и Христијан Џогов, задолжен за камера, монтажа и режија.
Доцент Д-р Марковиќ кој е еден од говорниците во документарниот филм вели дека ова дело е од монументално значење не само за Тетово, туку и за цела Македонија.
Локациите на снимање се завтентични, фактите се изнесени од врвни познавачи на овој регион како и историјата на манастисркиот комплекс Свети Атанасиј, пишаните дела и животот на Кирил Пејчиновиќ.
